Þrumuræða bifhjólamannsins

Ad vísu er thetta stolid efni, en fannst textinn svo gódur ad ég vard bara ad setja thetta hér inn.. ágætis efni til umhugsunar eftir umferdaumrædur sídustu misserin...  

Tekið af vef HSL
Grafið upp af vegalausum og þýtt af Skúla

Ég sá þig faðma veskið þitt nær þér í matvörubúðinni, en þú sást mig ekki setja 5000 krónur í safnaðarbaukinn í kirkjunni á sunnudaginn.

Ég sá þig draga börnin þín nær þér þegar þú mættir mér á gangstéttinni, en þú sást mig ekki leika jólasvein á barnaspítalanum.

Ég sá þig hætta við að fara inn á veitingastaðinn, en þú sást mig ekki á söfnuninni fyrir svöng börn í Afríku.

Ég sá þig skrúfa upp rúðuna á bílnum þínum og hrista höfuðið þegar ég ók framhjá, en þú sást mig ekki keyra fyrir aftan þig þegar þú hentir sígarettunni út um gluggan hjá þér

Ég sá þig gretta þig þegar ég brosti til barnana þinna, en þú sást mig ekki þegar ég fór með leikföng í athvafið.

Ég sá þig horfa með hneikslunar svip á leðurgallana okkar, en þú sást okkur ekki fara með úlpur og hlý föt til heimilislausra.

Ég sá þig horfa með óttasvip á húðflúrin mín, en þú sást mig ekki gráta þegar börnin mín fæddust og lét skrifa nöfn þeirra í og yfir hjartað mitt.

Ég sá þig skipta um akrein að flýta þér eitthvað, en þú sást mig ekki á leið minni heim til fjölskyldunnar.

Ég sá þig kvarta yfir því hversu hávært hjólið mitt væri, en þú sást mig ekki þegar þú varst að skipta um geisladisk og ráfaðir yfir á mína akrein.

Ég sá þig öskra á börnin þín í bílnum, en þú sást mig ekki strjúka hendur barna minna vitandi að þau séu örugg.

Ég sá þig lesandi dagblað eða kort þar sem þú keyrðir niður veginn, en þú sást mig ekki strjúka læri konunnar minnar þegar hún sagði mér að taka næstu hægri beygju.

Ég sá þig æða niður veginn í rigningunni, en þú sást mig ekki þar sem ég blotnaði inn að beini til þess að sonur minn gæti fengið bílinn lánaðan á stefnumót.

Ég sá þig fara yfir á gulu ljósi til að spara þér nokkrar sekúndur, en þú sást mig ekki beygja til hægri.

Ég sá þig svína fyrir mig því að þú þurftir að vera á akreininni sem ég var á, en þú sást mig ekki fara útaf veginum.

Ég sá þig bíða óþolinmóðan eftir því að vinir mínir færu frammúr, en þú sást mig ekki.... ég var ekki þar.

Ég sá þig fara heim til fjölskyldunnar þinnar, en þú sást mig ekki, því að ég dó þennan dag, þú svínaðir á mig.

Ég var bara mótorhjólamaður, maður sem átti fjölskyldu og vini, en þú sást mig ekki, bara leðrið og hjólið.

Virðum mótorhjólafólk sem annað fólk.